Македонската православна црква денес
 
 
 
 
 
Неговото Блаженство,
Архиепископот Охридски и 
Македонски г.г. Стефан

Денес, со Светиот Архиерејски Синод на Македонската Православна Црква ‒ Охридска Архиепископија (САС на МПЦ-ОА), претседава
Неговото Блаженство, Архиепископот Охридски и Македонски г. г. Стефан

Останатите членови на Синодот се:

  • Митрополит Преспанско-пелагониски
    и Aдминистратор Австралиско-новозеландски г. Петар

  • Митрополит Дебарско-кичевски
    и Администратор Австралиско-сиднејски г. Тимотеј

  • Митрополит Струмички г. Наум

  • Митрополит Повардарски г. Агатангел

  • Митрополит Американско-канадски г. Методиј (хиротонија: 21. 06. 2005)

  • Митрополит Европски г. Пимен (хиротонија: 2. 10. 2005)

  • Митрополит Брегалнички г. Иларион (хиротонија: 13. 07. 2006)

  • Митрополит Тетовско-гостиварски г. Јосиф (хиротонија: 7. 10. 2012)

  • Митрополит Кумановско-осоговски г. Григориј (хиротонија: 29. 07. 2020)




    Останати архиереи на МПЦ-ОА, кои не се членови на САС се:

  • Поранешен Митрополит Кумановско-осоговски, г. Јосиф (хиротонија: 21. 10. 2012)

  • Викарен Епископ Хераклејски г. Климент (хиротонија: 12. 07. 2005), секретар на САС на МПЦ-ОА

  • Епископ Стобиски, г. Јаков (хиротонија:, 25. 11. 2018)

  • Епископ Антаниски и игумен на Свештениот Бигорски манастир, г. Партениј (хиротонија: 12. 07. 2020)

  • ЕПАРХИИ на МПЦ – ОА на територијата на Р. Северна Македонија и во дијаспората:

МПЦ-ОА пастирски е организирана во 12 епархии, од кои 8 на територијата на Р. Северна Македонија, и 4 во дијаспората:

1. Скопска епархија, возглавена од Неговото Блаженство, Архиепископот г. г. Стефан;

2. Преспанско-пелагониска епархија, возглавена од Високопреосветениот Митрополит г. Петар;

3. Дебарско-кичевска епархија, возглавена од Високопреосветениот Митрополит г. Тимотеј;

4. Струмичка епархија, возглавена од Високопреосветениот Митрополит г. Наум;

5. Повардарска епархија, возглавена од Високопреосветениот Митрополит г. Агатангел;

6. Американско-канадска епархија, возглавена од Високопреосветениот Митрополит г. Методиј;

7. Европска епархија, возглавена од Високопреосветениот Митрополит г. Пимен;

8. Брегалничка епархија, возглавена од Високопреосветениот Митрополит г. Иларион;

9. Тетовско-гостиварска епархија, возглавена од Високопреосветениот Митрополит г. Јосиф;

10. Кумановско-осоговска епархија, возглавена од Високопреосветениот Митрополит г. Григориј;

11. Австралиско-новозеландска епархија, чиј администратор е Митрополитот Преспанско-пелагониски
г. Петар;

12. Австралиско-сиднејска епархија, чиј администратор е Митрополитот Дебарско-кичевски г. Тимотеј.

Со 12-те епархии на МПЦ управуваат Архиепископот и девет Митрополити на кои моментално, покрај викарните Епископи, им помагаат околу 600 активни свештеници во околу 500 парохии со повеќе од 2000 цркви и манастири. Од почетокот на деведесеттите години на 20. век, во Македонија се возобнови и монаштвото, кое сега брои околу 200 монаси и монахињи, кои организирани во братства и сестринства низ манастирите под јурисдикција на МПЦ-ОА, во молитва и монашки подвиг го чуваат живото светоотечко Предание. МПЦ-ОА има две образовни институции, средното богословско училиште „Св. Климент Охридски“ и Македонска Православна Богословија „Св. Климент Охридски“, кои продолжувајќи ја просветителската мисија на Охридската Светиклиментова школа, согласно современите текови на теолошките науки, во апостолски дух, секоја година обучуваат млади теолози, учители по веронаука и свештеници за пастирските потреби на нашата Помесна Православна Црква.