Пролог: Светата маченичка Теодотија со трите деца
 

 

Житие: Светата маченичка Теодотија со трите деца

Календар, житија, пости
Почеток
 
Кога остана млада вдовица со три деца Теодотија целосно се предаде на служба на Бога. Децата ги воспита благочестиво. Кај неа живееше Света Анастасија кога беше во Македонија и заедно со неа ги обиколуваше Христовите заробеници по затворите. Кога ја изведоа на суд Света Теодотија неустрашливо Го исповедаше Господ Исус Христос. Тогаш ја испратија кај антипатот витиниски Никитиј. Еден бесрамен незнабожец сакаше да ? го допре телото, но одеднаш здогледа пред неа ангел Божји, којшто го удри и не му дозволи. Света Теодотија беше осудена на смрт и фрлена во вжарена печка заедно со нејзините три деца. Чесно го завршија животот на земјата и отидоа во Царството на вечната слава.

Тропар
Мајко Теодотијо, Христова слугинко, Господ од утробата твоја, три благопријатни садови изведе, кои за нас пред Него, благопријатен мирис молитвен постанаа, а од срцето твое породи вечно застапништво, за оние кои Бога Го љубат, а тебе денес те чествуваат.