Пролог: Светите маченици Марин и Астериј
 

 

Житие: Светите маченици Марин и Астериј

Календар, житија, пости
Почеток
 
Првиот беше војник, а вториот римски сенатор. Во времето на царот Галиен Свети Марин служеше како војник во Кесарија Палестинска. Заради верата во Христа беше убиен со меч. На неговото страдање присуствуваше сенаторот Астериј, којшто беше христијанин. Тој ја симна од себе својата долама, го обвитка телото на маченикот, го зеде на рамо, го однесе и чесно го погреба. Кога го видоа тоа незнабожците го убија и него со меч. Чесно пострадаа за Христа во 260 година.

Тропар
Браќа по дух, раководени од ревноста по Бога, Го исповедате Оној Кој луѓето ги создаде, а вас во познание еден на друг ве приведе во својата света соборна, Апостолска Црква. Радувајте се, маченици свети, и за нас молете се пред Оној Кој побара едно да бидеме.