Пролог: Преподобна Теодора Солунска
 

 

Житие: Преподобна Теодора Солунска

Календар, житија, пости
Почеток
 
Теодора беше жена на имотен и благочестив човек и живееше на островот Егина. Но, кога Арапите ја загрозија Егина, тие се преселија во Солун. Овде својата ќерка единица ја дадоа во манастир и таа во монаштвото го доби името Теописта. Наскоро мажот ? на Теодора се упокои, та и Теодора се замонаши. Беше голема подвижничка. Често слушала ангелско пеење и им говорела на сестрите: „Не слушате ли колку прекрасно пеат ангелите во небесното светилиште?“ Се упокои во седумдесет и петтата година од животот, во 879 година. Од нејзиното тело потече целебно миро, од кое многумина се исцелија.

Тропар
Блажена си ти, Теодоро, на која Спасителот изли миро на смирение, гледајќи ја радоста на срцето твое. Блажена си ти, по чии молитви и денес се спасуваме, целивајќи ги светите мошти твои, и на Бога слава воздаваме, за милоста која преку тебе нам ни ја покажува.