Наречение на новоизбраниот Епископ Полјански г. Пимен (01.10.2005)
Денес во 17 часот, во манастирската црква на Свети Климент Охридски и на Светиот великомаченик Пантелејмон на Плаошник во Охрид во присуство на Архиепископот Охридски и Македонски г.г. Стефан, сите Епископи, архимандрити и бројни свештенослужители на Македонската Православна Црква се одржа Наречение со кое се објави хиротонијата на викарниот Епископ Полjански г. Пимен. Потоа, новоизбраниот викарен Епископ г. Пимен во сослужение на архимандритот Нектариј, архимандритот Партениј, архимандритот Иларион и други свештенослужители отслужи Вечерна служба.
