Сочувство (09.09.2021 13:10)
Почитувана госпоѓо Арифи,
Со жалење ја примивме веста за несреќата што се случи во Тетовската ковид модуларна болница, кадешто животот го загубија десетина пациенти.
Сострадувајќи со болката на ближните на постраданите, од Свое, како и од името на верниот народ и клирот на Македонската Православна Црква – Охридска Архиепископија, примете најискрено сочувство за невино постраданите, за кои се молиме за спасение на нивните души.
Семилостивиот Бог нека ги упокои таму кадешто почиваат душите на праведниците!
АРХИЕПИСКОП ОХРИДСКИ И МАКЕДОНСКИ
г.г. СТЕФАН
