Света Архиерејска Литургија во Велес (13.10.2019 10:57)
На 13 октомври 2019 година, кога го празнуваме споменот на свети Григориј Просветител, Епископ Ерменски, свети Михаил, прв Митрополит Киевски, и споменот на светите маченички Гајанија, Рипсимија и останатите триесет и пет монахињи, Неговото Блаженство, Архиепископот Охридски и Македонски и на Јустинијана Прима г.г. Стефан, во сослужение на Митрополитот Преспанско-пелагониски г. Петар, Митрополитот Повардарски г. Агатангел, Митрополитот Брегалнички г. Иларион и бројно свештенство на Македонската Православна Црква, отслужи Света Божествена Литургија во храмот „Свети Кирил и Методиј“, во Велес.
По завршувањето на Божествената Литургија, Неговото Блаженство, Архиепископот Охридски и Македонски г.г. Стефан, заедно со Митрополитите изврши осветување на црковната трпезарија и помошните простории при црквата „Свети Кирил и Методиј“.
