Vesti i nastani
 
 
 
 
 

Монашење во манастирот во Журче (04.06.2011)

На 4 јуни, воочи Неделата на Светите отци од I Вселенски собор, во манастирот на свети Атанасиј Велики во с. Журче – Демир Хисар, Митрополитот Преспанско-пелагониски г. Петар ја замонаши сестра Ксенија, којашто го доби името по преподобна Ксенија Римјанка. Како израз на соборноста, на монашењето присуствуваа монахињи и од другите епархии на Македонската Православна Црква – Охридска Архиепископија.

 

          

 

 

 

Преподобна Ксенија

Родена е во Рим како единица ќерка на прочуен сенатор. Привлечена од љубовта Христова не сакаше да стапи во брак како што сакаа нејзините родители и за да ја избегне мажачката побегна од дома тајно со своите две робинки, па отиде на островот Коа во местото Милас. Овде основа обител на девици што се подвизуваа во христовподобувањето. Иако беше жена, имаше машка издржливост во постот, молитвата и бдеењето. Често стоеше на молитва по цела ноќ. Беше облечена посиромашно од сите сестри, а врз лебот што го јадеше често истураше пепел од кадилницата. Во мигот на смртта (+ 455 г.) над манастирот се појави прекрасен знак: венец од ѕвезди со крст во средината, поблескав од сонце. Од нејзините мошти мнозина болни добија исцеление. Нејзините робинки го следеа примерот на својата игуманија и кога умреа беа погребани, според нивната желба, крај нозете на блажената Ксенија. Нејзиниот псомен се празнува на 6 февруари по нов стил.