Божествена Литургија во црквата Света Софија во Охрид (30.09.2009)
На 30 септември 2009 година, кога светата црква го слави споменот на светите маченички Софија и нејзините три ќерки Вера, Надеж и Љубов, во катедралната црква „Света Софија“ во Охрид се служеше света Литургија. Со божествена Литургија чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на Неговото Високопреосвештенство Митрополит Брегалнички г. Иларион како и повеќемина свештеници и ѓакони. За време на божествената Литургија Архиереити извршија осветување нови Антиминси.
Известува: ѓакон Никола
