Вечерна богослужба во црквата „Света Богородица – Каменско“ – Охрид, по повод празникот Прочка (10.03.2008)
Проштевајте и ќе ви биде простено! (Лк.6, 37)
Подготвувајќи нè за радосниот четириесетдневен пост, Православната црква го определила празникот Прочка, за, меѓусебно простувајќи си, да се ослободиме од товарот на гревот, лутината и омразата и така олеснети да можеме полесно да се движиме низ овие свети и спасоносни денови. По повод овој празник се одржа празнична вечерна богослужба во црквата „Света Богородица – Каменско“ – Охрид, на која чиноначалствуваше Неговото Високопреподобие, архимандрит Нектариј, игумен на манастирот „Свети Наум Охридски“ во сослужение на повеќемина свештенослужители од епархијата. На вечерната богослужба присуствуваше Неговото Високопреосвештенство, Митрополитот Дебарско-кичевски г. Тимотеј, свештенството при Дебарско-кичевската епархија како и многуброен верен народ, соборно молејќи и просејќи од Бога телесни и духовни сили за претстојниот подвиг на постот.
После вечерната богослужба, беседа одржа свештеникот Љупчо Симиџиоски, старешина на црквата „Света Богородица – Каменско“, во која словеше за суштината и значењето на великата Четириесетница.
На крајот, свештенството и верниот народ пристапија кон Пастироначалникот, владиката Тимотеј, просејќи прошка и благослов за претстојните спасоносни денови на великата Четириесетница.
По повод Првата недела на Великиот Пост, во Дебарско-кичевската епархија се служат редовни утрени и вечерни богослужби, со почеток во 07 и 16 часот, во црквата „Света Богородица – Каменско“ според следниов распоред:
10.03.2008 г. – Понеделник во 7 ч. – утрена со часови и вечерна
- вечерта во 16 ч. – големо повечерие со канононот на св. Андреј Критски
Богослужи: Свештеник Сашо Богдановски
На певница: Свештеник Атанас Казанџиски и
Свештеник Кирил Јованоски
11.03.2008 г. – Вторник во 7 ч. – утрена со часови и вечерна
- вечерта во 16 ч. – големо повечерие со канононот на св. Андреј Критски
Богослужи: Свештеник Никола Кипријанов
На певница: Свештеник Љупчо Симиџиоски и
Свештеник Никола Христоски
12.03.2008 г. – Среда во 7 ч. – утрена со часови и
архиерејска преждеосвештена литургија;
- вечерта во 16 ч. – големо повечерие со канонот на св. Андреј Критски
Богослужат: Митрополит Тимотеј
Архимандрит Нектариј
Свештеник Љупчо Симиџиоски и
ѓакон Димче Азески
На певница: Протоереј-ставроофр Ефтим Бетински и
Свештеник Игор Никовски
13.03.2008 г. – Четврток во 7 ч. – утрена со часови и вечерна
- вечерта во 16 ч. – големо повечерие со канононот на св. Андреј Критски
Богослужи: Свештеник Ромео Петрески
На певница: Свештеник Сашо Богдановски и
Свештеник Сашо Ристески
14.03.2008 г. – Петок – утрена со часови и преждеосветена литургија
- вечерта во 16 ч. – мало повечерие и Акатист на Пресвета Богородица
Во петок богослужби Ќе има во сите парохиски цркви во Охрид.
Митрополитот Дебарско-кичевски г. Тимотеј Ќе богослужи во црквата „Света Богородица” – Каменско, Охрид, на првиот акатист од Велигденскиот пост.
