Осветување на трпезарија при црквата на св. Теодор во с. Јанчиште (тетовско) (22.09.2007)
Денес, 22 септември (сабота) 2007 лето Господово, со архипастирски благослов на Неговото Високопреосвештенство Митрополит полошко-кумановски Кирил, архиерејскиот намесник протојереј-ставрофор Мирко Станкоски и парохискиот свештеник Дарко Наумоски во сослужение на повеќе свештенослужители од Тетовското архиерејско намесништво, а во присуство на голем број верници од с. Јанчиште и пошироко го извршија црковниот чин осветување на импозантна црковна трпезарија при црквата на св. великомаченик Теодор Тирон во с. Јанчиште – Тетовско.
Идејата за изградба на црковната трпезарија потекна од црковниот одбор, а истата ја поддржаа сите браќа и сестри кои живеат во с. Јанчиште, како и сите богоблагословени македонски синови и ќерки кои живеат и работат во прекуокеанските земји: САД, Канада, далечна Австралија, Западноевропските држави и ширум сите меридијани од земјината топка. Во контекст на кажаното изразуваме срдечна благодарност кон сите дарители и спонзори кои парично или материјално ја помогнаа изградбата на црковната трпезарија.
На 6 октомври 2002 година беше положен и осветен камен темелникот на оваа трпезарија, за во оваа јубилејна 2007 година и да ја осветиме, токму кога прославуваме 40 години од возобновувањето на автокефалноста на Македонската Православна Црква.
На 6 октомври 2002 година беше положен и осветен камен темелникот на оваа трпезарија, за во оваа јубилејна 2007 година и да ја осветиме, токму кога прославуваме 40 години од возобновувањето на автокефалноста на Македонската Православна Црква.
Веднаш потоа присутните беа поканети на заедничка братска и сестринска трпеза на љубовта.
Подготвил: архиерејски намесник протојереј-ставрофор Мирко Станкоски
