Илинден (03.08.2007)
Празнувањето на големиот празник Илинден во Дебарско-кичевската епархија централно се прослави со Архиерејска Божествена Литургија во црквата на свети Георгиј во Струга, на која чиноначалствуваше надлежниот Владика г. Тимотеј, во сослужение на архимандрит Нектариј, протоереј Евтин Велкоски, свештеник во Европската епархија (Шведска), протоереј Митре Попоски, свештеник Игор Никовски и ѓакон Димче Азески.
На Божествената Литургија во исполнетиот храм со верници беше прочитано и Илинденското послание на Архиепископот на Македонската Православна Црква, Неговото Блаженство г.г. Стефан. По завршувањето на Божествената Литургија свештенослужителите ги благословија и прекршија празничните лебови.
известува: свештеник Игор Никовски
фото: Јован Велкоски
