Поуки
 
 
 
 
 

Поуки (17.02.2012)

Кој сака да Му пријде на Господа, да заслужи вечен живот, да биде Божји дом и да се удостои со Светиот Дух, тој, за да биде во беспрекорна состојба и да дава плодови по Божјите заповеди, мора да постави ваков почеток: прво, тој мора цврсто да поверува во Бога, целосно да се посвети на зборовите од Божјите заповеди, во сè да се одрече од светот за умот совршено да не биде зафатен со ништо видливо; второ, секогаш мора да пребива во молитва и да не очајува, постојано очекувајќи ја посетата и помошта од Бога и тоа во секое време да го има како цел на својот ум; трето, треба секогаш да се принудува себеси на секакво добро, кон исполнување на заповедите, иако срцето би се противело поради гревот кој е во нас – на пример, да се принудува на смиреномудрие, кроткост, милосрдие.

                                                                                                                    Св. Макариј Велики

 

 

Господ наш Исус Христос ни вели: „Ако Ме љубите, пазете ги Моите заповеди. И Јас ќе Го помолам Отецот, и Тој ќе ви даде друг Утешител за да биде со вас довека, Духот на Вистината, Кого светот не може да го прими“ (Јован 14, 15-17).

Затоа, додека не ги исполниме сите Божји заповеди и не бидеме такви, Господ да засведочи за нас: „не сте од светот“ (Јован 15, 19), до тогаш да не очекуваме да се удостоиме со Светиот Дух.

 

                                                                                                                           Св. Василиј Велики

 

 

Не е неопходна само верата, туку и духовниот живот, за да можеме да Го задржиме во себе Духот, Кој еднаш ни е даден.

 

                                                                                                                      Св. Јован Златоуст

 

 

Секој кој го посакува своето спасение, од себе прави живеалиште на Светиот Дух.

 

                                                                                                                       Св. Ефрем Сирин

 

 

Ако сакаш да се здобиеш со Светиот Дух, целосно верувај во Бога, исто така, откажи се од самиот себе, без колебање земи го крстот на плеќи и доброволно умри, за да се причестиш со  бесмртниот живот. Нека не те залажуваат измамниците со своите лажни зборови за тоа дека душата не сега, туку дури после смртта добива живот, за да не поверуваш и да станеш мрзлив и да останеш без вечниот живот.

 

                                                                                                                 Св. Симеон Нов Богослов

 

 

Во душата не верниот престојува Светиот Дух и според тоа колку човекот ја чува чистотата на своето срце, тој се просветува, и со посредство на солзите, радостите, восхитот и утехите Го чувствува Божјиот оган кој живее во него; посебно за време на празниците, свештените собири, и во деновите на крштевање слегува Светиот Дух и Неговата благодат, која живее во човекот, а ликува и самиот човек, се уверува дека он е навистина христијанин и дека го примил светото Крштение.

Затоа многу во светот го чувствуваат дејството на благодатта на Светиот Дух, стоејќи пред олтарот и пристапувајќи кон причестувањето со светите Христови Тајни, бидејќи се исполнуваат со радост и солзи.

 

                                                                                                                                 Блажен Јероним