Интернационален конгрес „Свети Јован Златоуст“ во Романија (14.11.2006)
Теолошкиот факултет во Букурешт, со благослов на патријархот Теоктист, од 12 до 14 ноември организира интернационален богословски конгрес насловен: „Свети Јован Златоуст – Егзегет на Светото Писмо, Егзегет на Божествената љубов“. Со конгресот се отвара низа манифестации со кои ќе се одбележат 1600 години од упокојувањето на свети Јован Златоуст (347-407 г.). Конгресот е под покровителство на Романската Патријаршија и на Државниот Секретаријат за религии.
