Викарниот Епископ г. Јаков Стобиски ги прими децата од школото за веронаука во манастирот „Светите Петнаесет Тивериополски свештеномаченици“, во Струмица (08.01.2023 10:38)
Денес, Викарниот Епископ Стобиски г. Јаков ги прими на божикен ручек децата од училиштето за веронаука при црквата „Светите Кирил и Методиј“, во Струмица, и им се обрати со кратка поучна беседа во која ги потсети колку е важно да Го сочуваат Христос и Неговата светлина во нивните срца, држејќи се за Црквата и нејзиниот светотаински живот, и да не дозволат никој и ништо од овој свет да им го замени или одземе тоа. Владиката воедно им се заблагодари и ги пофали за вложениот труд и посветеност околу бадникарскиот концерт. 
