Крстовден во Радовиш (27.09.2009)
На ден 27. 09. 2009 година, 16 Недела по Педесетница, на празникот на Воздвижението на светиот Крст, Неговото Високореосвештенство Митрополитот Брегалнички г. Иларион, во сослужение на свештеници од Радовишкото архиерејско намесништво, откако го изнесоа и Му се поклони на Светиот Крст, отсужи Света Архиерејска Литургија во храмот Св. пр. Илија во Радовиш.
На крајот од Светата Литургија Митрополитот г. Иларион произнесе пригодна беседа кон присутните верници за силата и дејството на Животворниот Крст, како наше силно оружје против секакво зло.
Известува: протоѓакон Саше Ристов
