Ѓурѓовден во с. Јакимово - Кочани (07.05.2009)
На 06. 05. 2009 година, на празникот на светиот великомаченик Георгиј Победоносец - Ѓурѓовден, Неговото Високопреосвештенство Митрополитот Брегалнички г. Иларион, отлужи Света Архиерејска Литургија во црквата посветена на Свети Јоаким Осоговски во село Јакимово - Виница, во сослужение на свештеници од кочанското архиерејско намесништво. По светата литургија, Митрополитот Брегалнички г. Иларион, произнесе пригодно слово и ја освети новоизградената крстилница со помошните простории и го освети крстот за поставување на камбанаријата во изградба при црквата Свети Јоаким Осоговски во с. Јакимово - Виница.
Известува: протоѓакон Саше Ристов
