Света Литургија во славното Разловци (04.06.2008)
На 03.06.2008 година, на празникот на светите цар Константин и царица Елена, Неговото Високопреосвештенство Митрополитот Брегалнички г. Иларион богослужеше во храмот на светите цар Константин и царица Елена во село Разловци, место каде што познатот поп Стојан од Разловци, во 1876 година, со други дејци го има организирано познатото Разловечко востание за ослободување на македонскиот народ од турското ропство.
Свештенослужителите кои сослужуваа со Митрополитот по потекло беа од Разловци.
Истиот ден Неговото Високопреосвештенство Митрополитот Иларион, во присуство на многуброен народ благоволи да освети и постави камен темелник за изградба на црква во село Истибања, кочанско, посветена на свети архиѓакон и првомаченик Стефан.
Известува: ѓакон Саше Ристов
