Вечерна богослужба во Штип (18.12.2007)
На 18. 12. 2007 година, со почеток во 17 часот, Митрополитот Брегалнички г. Иларион, во сослужение на повеќе свештенослужители од Брегалничката епархија, во чест на свети Николај Чудотворец - архиепископот Мирликиски, отслужи Вечерна богослужба во соборниот храм на свети Николај во Штип. Овој празник во чест на Мирликискиот архиепископ – свети Николај величенствено се торжествува во градот под Исарот и е негов патрон и заштитник, па затоа Штипјани во огромен број дојдоа во соборниот храм, кој го носи неговото име. Во преполнетиот храм, Митрополитот г. Иларион, им го честита празникот на верниците и произнесе пригодно слово. известува: ѓакон Саше Ристов
