Архиерејска Божествена Литургија во с. Љубаништа, охридско (08.10.2007)
На ден 07.10.2007 година, во неделата посветена на соборот на сите македонски светители, Владиката Дебарско-кичевски г. Тимотеј, во сослужение со архимандрит Нектариј, свештеник Игор Никовски и ѓакон Димче Азески, отслужи света Литургија во црквата „Св. Никола“ во с. Љубаништа, охридско.
Повод за службата во селото Љубаништа беше и осветувањето на црковната сала, кое се изврши по завршувањето на светата Литургија. Црковната сала е започната со градба пред четири години, а за заслужните верници и стопанственици, кои помогнаа овој објект да се заврши, Владиката г. Тимотеј подели благодарници и пофалници.
известува: о. Игор Никовски