Семеен православен молитвеник
 
 
 
 
 

Семеен православен молитвеник (22.12.2016 18:41)

 

 

 

Во издание на црквата посветена на свети Григориј Палама и свети Димитриј Мироточив во Струмица, со благослов на Неговото Високопреосвештенство Митрополитот Струмички г. Наум, излезе од печат „Семеен православен молитвеник“, кој го подготвија и уредија протопрезвитер Боро Милчев и протопрезвитера Богдина Милчева.

 

 

 

 

 

 

 

 

 

 

Молитва кон Пресвета Богородица

 

„О, Пресвета Богородице, Дево Владичице,

повозвишена од ангелите и архангелите, и најчесна од сета твар,

голем восхиту на ангелите, возвишена проповед на пророците,

преславна пофалбо на апостолите, прекрасен украсу на светителите,

крепка тврдино на мачениците, спасително водство на монасите,

неотстапно воздржание на отшелниците, славо и чистото на девствениците,

тивка радост на мајките, мудрост и поука на младенците,

заштитничке на вдовиците и сирачињата,

на голите – риза, на болните оздравување,

на заробените избавување, тишино на оние што по море пловат,

мирно пристаниште на оние што бурата ги носи,

сигурна водителке на заблудените, лесен премину на патниците,

блажен спокоју на подвижниците, на измачените брза застапничке,

на нападнатите покрову и прибежиште,

надеж на безнадежните и помош на оние кои помош бараат.

На ништите богатство непропадливо, на нажалените непрестајна утехо,

на намразените љубовно смирение, на грешниците спасение и кон Бога обраќање,

на сите правоверни цврста заштито, непобедлива помош и застапништво.

 

Низ Тебе, Владичице, Невидливиот нам видлив ни стана,

затоа молитва Ти принесуваме, Владичице, ние грешните слуги Твои.“